Një nga migrimet më të gjata të regjistruara të ndonjë zogu tokësor është gati të kompletohet.

Duke përdorur një etiketë satelite, shkencëtarët kanë monitoruar një kukuvajkë që kishte fluturuar më shumë se 12,000 kilometra nga Afrika jugore në tokën e mbarështimit në Mongoli, transmeton portali arbresh.info.

Zogu i kishte mbijetuar kalimeve të oqeanit dhe erërave të mëdha duke përshkuar 16 vende.

Ka qenë, thonë shkencëtarët, “një udhëtim vigan”. Kukuvajka e zakonshme e etiketuar me satelit (Cuculus canorus), i quajtur Onon pas një lumi Mongol, u nis nga shtëpia e tij dimërore në Zambia në 20 Mars.

Onon është një nga pesë kukuvajkat që u etiketuan në Mongoli verën e kaluar nga Projekti i Kukuvajkave të Mongolisë – një ndërmarrje e përbashkët midis shkencëtarëve vendas dhe Trustit Britanik për Ornitologji (BTO) për të monitoruar migracionin në distanca të gjata.

Onon ka kaluar mijëra kilometra të Oqeanit Indian pa ndaluar, duke fluturuar me një shpejtësi mesatare prej 60 km / orë dhe duke përshkuar vendet aq larg sa Kenia, Arabia Saudite dhe Bangladeshi./arbresh.info/